Consultation

XVIII, folios:74
Antoine de Clermont, baron de Montoison
M. de Gordes
Lettre non liée
24/07/1572
Laval
Montoison

Transcription

Les mots surlignés font l'objet d'une note

1

Monsieur, par mon homme ay receu votre lettre et veu

2

leymendement quil a pleu à Dieu donner à monsieur le

3

president Truchon. Je supplie à Dieu que le luy doinct

4

tel que vous le luy desirez, car se seroyt une

5

des grandz pertes que se scaroyt faire en ce pays

6

et moy mesmes scavoys bien où men tenir. Je ne

7

veux hoblier, monsieur, vous remercier très humblement

8

votre oyseau, lequel vous asseure quest grand

9

domaige que soyt foulle et à peyne se remectra

10

il jamais, toutesfoys, je y fairey tout ce que

11

je y pourrey. Monsieur, le jour que mondit homme

12

party dicy pour aller querir loyseau, receux votre lettre

13

du dix septiesme de ce moys, vous asseurant

14

quelle me reconfourta entièrement d’entendre que

15

monsieur le president Truchon se pourtoyt

16

ung peu mieulx car le matin, lavyont faict

17

mort en ce pays. Le voyage que debvoyt

18

monsieur de Montbrun faire a été ung peu reffroidy, combien quil

19

heust envoyé mil escus à Geneve pour recouvrer

20

des chevaulx qu’il ne sont encors venuz. Sy

21

est-ce que hier, vingt et troisiesme de ce moys,

22

[v°] il heust à Crest bonne trouppe de gentilhommes de ceulx

23

de la relligion qui resoulurent se trouver

24

dimanche à Vallance pour regarder avecque ceulx

25

de Vivaretz pour regarder de ceulx qui fairont

26

le voyage. Je mectrey poyne den entendre quelque

27

chose pour incontinant vous en advertir.

28

Monsieur de Cugy et de Chellard doibvent arryver

29

au premier jour. Madamoyselle d’Ourche ma niepce,

30

fust desjà vers vous, mès les nopces de

31

madamoyselle du Telh que je croy fairont

32

dimanche, l’a retardée. Je ne vous scaurés

33

dire l’aise que ce ma esté dentendre que

34

le roy avoyt envoyé mon nepveu monsieur

35

d’Ourche de vers monsieur et madame de Lorreyne ;

36

que sera la fin, après vous avoyr supplié

37

me commander votre vouloyr pour icelluy toute ma

38

vie acomplir d’aussi bon cueur que votre

39

comère et moy nous recommandons très humblement

40

à votre bonne grace, priant Dieu

41

Monsieur qui vous ayt en sa garde. De votre maison de

42

Montoison, ce XXIIIIe de juilhet 1572.

43

Votre humble et aubeissant

44

Servyteur

45

Montoison

46

Monsieur, l’on dit pour serten con [a…

47

pyer par la folie ce que personne et je le ...

48

Cest de monsieur de La Trimoule]

Loading...