Consultation

XVIII, folios:85
François de La Baume, comte de Suze
M. de Gordes
Lettre non liée
27/07/1572
Laval
Suze-la-Rousse

Transcription

Les mots surlignés font l'objet d'une note

1

Monsieur, vous me fites sy bonne part de touttes les nouvelles

2

que vous avez que je veulx bien aussy vous mander tousiours celles que

3

japranderay de mon costé, bien que je masseure en serez adverty

4

dailheurs, car monsieur le conte de Tande viens de madvertyr

5

toutte a ceste heure par deulx deppesches, lungne sur laultre,

6

larryvée de Dom Jehan d’Austrye, avec son armée à Genes,

7

et comme il est adverty de bon lieu des grandz preparatifz

8

de guerre quilz se font en la duché de Milan et coment la

9

gendarmerye de Naples vient par la Lombardye, et que

10

sestant desparty, ledit Dom Jehan d’Autrye assez soubdainement,

11

soubz umbre de peste qui estoict en leur armée, il a offert

12

aulx Venitiens trante gallères avec six mil soldatz

13

pourveu quilz voulsissent aller assaillyr en Levant quelques

14

villes ou isles où il y en avoit de bien esbranslées ; et font

15

courre bruict pour changer dair, vons attacquer Algier, cependant,

16

ilz demeure en grand jalousie et soupçon , ayant de telz voisins

17

comme je masseure que sera le seigneur Ludovic de Biragues de

18

son costé, et ung petit vous du vostre, esperant que dans

19

peu de jours, nous serons esclarcyz que deviendra ceste armée.

20

Il mescript aussy par la mande au pied de sa lettre, que oultre

21

ce quil a avec luy argant à Genes, quil y a nonante galères

22

à Lespecie, qui embarquoyent six mil hommes de guerre

23

quilz vieignent après, ses nouvelles sont bien changées despuys

24

ses advis que vous donnoyt ledit seigneur Ludovic de Biragues.

25

Monsieur, je me recommanderay humblement à vostre bonne grace et prieray

26

Dieu vous donner très bonne santé de longue vie. De Suze,

27

ce XXVIIe de juilhet 1572.

28

Vostre plus affettionné et obeissant

29

à vous fère service.

30

Suze

31

Si vous avez lalarme à bonessiant, vous supplie envoyez

32

moy monsieur de La Pierre en diligense, car monsieur de Pressins est

33

Ancores à la court.

34

Loading...