Transcription
Texte de l’édition · graphies et annotations conservées
-
XVIII-287 Portes, Guillaume de, second président au parlement du Dauphiné, à M. de Gordes, Grenoble, 29 août 1572
Monsieur, je receus hyer sur le tard votre letre par le sieur de
Montlau. Je ne scay s’il estoyt ou faché ou troublé, mays il m’expliqua
si disertement sa creance qu’en verité je ne sceus oncques comprendre
chose qu’il me dit ; et quant au surplus du contenu en votredite letre, je
manday querir monsieur du Chastelard, premier consul, qui est mon
voysin de porte à porte, et luy feis entendre votre intention
de renforcer ceste nuyt la garde, ce qu’il exequuta promptement par
le moyen de Curebource. Il y survint quelques bruit pour ung
clerc qui se rua sur les Suisses assés indiscretement, mès
ce que ledit clerc est catholic rend le faict moyns maulvais.
Une maulvaise novelle est tousjours prevenue par ceste beste que nous
appellons fama malum, car le bruit estoyt jà en ceste ville
de quelques remuements et notamment de la blessure de monsieur l’admiral.
Or à present l’on enrichit et m’a-l’on dit que ung laquaix
de monsieur du Monestier a passé, portant une letre à
madame du Monestier pour se tenir sur sa garde, et que
tout est en armes à la court, mesmes le roy ; aultres, de
contrayre humeur, pour [m]eygrir, ont dit que ce murtre
avoyt esté procuré par ung plus grand et qu’on avoyt fally
aussi à la personne du roy. Voylà comme nous humeurs nous
poulsent diversement. Allant ce matin à l’ebat à Chastelet,
j’ay esté contraint de dire à ung de la religion que j’ay trouvé
hors les portes – m’ayant descovert quil se retiroyt à Domène
ayant entendu lesdits bruitz – que sur ma vie et honeur, il
n’en estoyt du tout rien, et que si monsieur l’admiral avoyt
esté blessé ou tué, c’estoyt pour la querelle particulière de
la mayson de Guise, et que la garde qu’on fesoyt estoyt seulement
pour empecher qu’on ne les facha, dont j’estoys mieulx adverti
que persone par lettres du roy et votres, et qu’il s’en retourna sur
ma parole. Ce qu’il a faict. Si vous commandés aultre chose
[v°], je y obeiray de mon povoyr. Monsieur de Fiançays et
moy avons conféré ensemble du faict du sieur de Chastelard
viceneschal de Vallentinois touchant l’appel de ceulx de Loriol
et assignation personnelle à luy baliée. Ledit sieur de Fiançays
s’est chargé de vous fère entendre nostre resolution et
pour relever ledit viceneschal, avons dressé tout au long ce
qu’il ha à fère. Sur ce, après m’estre humblement recommandé à
votre bone grace, je prieray le Createur,
Monsieur, vous doner en santé heureuse et longue vie.
De Grenoble, ce XXIXe daoust 1572.
Vostre très humble serviteur
G deportes
Consulter le XML intégral
<div id="lettre" index="357" class="add" name="admin" date="2019-07-16T14:10:37.307+02:00"><desc><tome>XVIII</tome><folios><f>287</f></folios><expediteur>Portes, Guillaume de, second président au parlement du Dauphiné</expediteur><destinataire>M. de Gordes</destinataire><date type="reponse" cat="reelle"/><date type="expedition" cat="reelle">1572-08-29</date><date type="expedition" cat="affiche">1572-08-29</date><date type="reception" cat="reelle">1572-08-29</date><lieu type="expedition" gps="45° 19' 91'' N ; 5° 73' 62'' E">Grenoble</lieu><lieu type="reception" gps="45° 32’ 61’’ N ; 5° 56’ 44’’ E">Moirans</lieu><hyperlien/><bibliographie/><note/></desc><p id="1" n="1 " type="texte"> -
</p><p id="1" n="2 " type="titre">XVIII-287 Portes, Guillaume de, second président au parlement du Dauphiné, à M. de Gordes, Grenoble, 29 août 1572
</p><p id="1" n="3 " type="texte">Monsieur, je receus hyer sur le tard votre letre par le sieur de
</p><p id="1" n="4 " type="texte">Montlau. Je ne scay s’il estoyt ou faché ou troublé, mays il m’expliqua
</p><p id="1" n="5 " type="texte">si disertement sa creance qu’en verité je ne sceus oncques comprendre
</p><p id="1" n="6 " type="texte">chose qu’il me dit ; et quant au surplus du contenu en votredite letre, je
</p><p id="1" n="7 " type="texte">manday querir monsieur du Chastelard, premier consul, qui est mon
</p><p id="1" n="8 " type="texte">voysin de porte à porte, et luy feis entendre votre intention
</p><p id="1" n="9 " type="texte">de renforcer ceste nuyt la garde, ce qu’il exequuta promptement par
</p><p id="1" n="10 " type="texte">le moyen de Curebource. Il y survint quelques bruit pour ung
</p><p id="1" n="11 " type="texte">clerc qui se rua sur les Suisses assés indiscretement, mès
</p><p id="1" n="12 " type="texte">ce que ledit clerc est catholic rend le faict moyns maulvais.
</p><p id="1" n="13 " type="texte">Une maulvaise novelle est tousjours prevenue par ceste beste que nous
</p><p id="1" n="14 " type="texte">appellons fama malum, car le bruit estoyt jà en ceste ville
</p><p id="1" n="15 " type="texte">de quelques remuements et notamment de la blessure de monsieur l’admiral.
</p><p id="1" n="16 " type="texte">Or à present l’on enrichit et m’a-l’on dit que ung laquaix
</p><p id="1" n="17 " type="texte">de monsieur du Monestier a passé, portant une letre à
</p><p id="1" n="18 " type="texte">madame du Monestier pour se tenir sur sa garde, et que
</p><p id="1" n="19 " type="texte">tout est en armes à la court, mesmes le roy ; aultres, de
</p><p id="1" n="20 " type="texte">contrayre humeur, pour [m]eygrir, ont dit que ce murtre
</p><p id="1" n="21 " type="texte">avoyt esté procuré par ung plus grand et qu’on avoyt fally
</p><p id="1" n="22 " type="texte">aussi à la personne du roy. Voylà comme nous humeurs nous
</p><p id="1" n="23 " type="texte">poulsent diversement. Allant ce matin à l’ebat à Chastelet,
</p><p id="1" n="24 " type="texte">j’ay esté contraint de dire à ung de la religion que j’ay trouvé
</p><p id="1" n="25 " type="texte">hors les portes – m’ayant descovert quil se retiroyt à Domène
</p><p id="1" n="26 " type="texte">ayant entendu lesdits bruitz – que sur ma vie et honeur, il
</p><p id="1" n="27 " type="texte">n’en estoyt du tout rien, et que si monsieur l’admiral avoyt
</p><p id="1" n="28 " type="texte">esté blessé ou tué, c’estoyt pour la querelle particulière de
</p><p id="1" n="29 " type="texte">la mayson de Guise, et que la garde qu’on fesoyt estoyt seulement
</p><p id="1" n="30 " type="texte">pour empecher qu’on ne les facha, dont j’estoys mieulx adverti
</p><p id="1" n="31 " type="texte">que persone par lettres du roy et votres, et qu’il s’en retourna sur
</p><p id="1" n="32 " type="texte">ma parole. Ce qu’il a faict. Si vous commandés aultre chose
</p><p id="1" n="33 " type="texte">[v°], je y obeiray de mon povoyr. Monsieur de Fiançays et
</p><p id="1" n="34 " type="texte">moy avons conféré ensemble du faict du sieur de Chastelard
</p><p id="1" n="35 " type="texte">viceneschal de Vallentinois touchant l’appel de ceulx de Loriol
</p><p id="1" n="36 " type="texte">et assignation personnelle à luy baliée. Ledit sieur de Fiançays
</p><p id="1" n="37 " type="texte">s’est chargé de vous fère entendre nostre resolution et
</p><p id="1" n="38 " type="texte">pour relever ledit viceneschal, avons dressé tout au long ce
</p><p id="1" n="39 " type="texte">qu’il ha à fère. Sur ce, après m’estre humblement recommandé à
</p><p id="1" n="40 " type="texte">votre bone grace, je prieray le Createur,
</p><p id="1" n="41 " type="texte">Monsieur, vous doner en santé heureuse et longue vie.
</p><p id="1" n="42 " type="texte">De Grenoble, ce XXIXe daoust 1572.
</p><p id="1" n="43 " type="texte">Vostre très humble serviteur
</p><p id="1" n="44 " type="texte">G deportes 
</p><p id="1" n="45 " type="texte"> 
</p><p id="1" n="46 " type="texte"/></div>
Fac-similé
2 vue(s) identifiée(s) dans le catalogue du corpus.
La visionneuse se charge à l’approche de cette section.
Lieux de la lettre
Repérage selon les coordonnées du corpus, sans géocodage externe. Fond géographique contemporain indicatif, Natural Earth.