Transcription
Texte de l’édition · graphies et annotations conservées
-
XX-155 Montmorency-Damville, Henri de, gouverneur du Languedoc, à M. de Gordes, Sommières, 25 février 1573.
Reçue à Grenoble, le 02 mars 1573.
Monsieur de Gordes, sur le poinct que je voullois vous escripre, jay receu la votre du XVIe du
present, avec la coppie de celle que le roy vous a escripte du IIIIe. Et ayant esté prevenu de ce
que jestois deliberé vous mander, je respondray au contenu des votres que linstance que jay
faicte à sa majesté a esté principallement pour ce qu’à lexemple de voz depputez de Daulphiné,
ceulx de Provence se seroient exemptez de deux compagnies des quatre que dès le commencement
le roy m’avoyt ordonné sur eulx ; et là-dessus, je nay peu moingtz que de representer à sa sa [sic] majesté
que de me rongner les ongles de quatre compagnyes se seroit aultant de desavancement
pour n’avoyr le moyen d’en entretenir si grand nombre comme elle me sont bien necessaires
aux despens de ce pais ; et voilla pourquoy sa majesté vous en a voullu escripre comme à
monsieur de Carcès. Suivant cela, je vous prieray preparer les autres deux compagnyes que vous
dictes avoir departies pour les menvoyer le plustost que vous pourrez et actendant leur
partement pourrez prouvoir d’en faire lever telles autres quelles vous seront necessaires
pour la seuretté du païs et en oultre pour toute resolution de ce que je desire mayder
des facultez de votre gouvernement. Je vous prie aussi de m’y faire accomoder de IIc[ent] pyonniers
et les menvoyer en lequipaige que vous scavez quil est requis en cela. Il me semble que
messieurs des estatz de votre gouvernement ne doibvent repugner, vous pouvant asseurer que
tout me sera bien necessaire, me retrouvant aujourdhuy toutes les forces des rebelles de
Guyenne sur les bras, au moyen de la rupture de larmée de monsieur ladmyral mon oncle
quy est allée à La Rochelle, ce seroit impossible que ce pauvre païs de Languedoc peult
supporter une si grande surcharge sans layde du roy ou des païs circonvoisins. Aussi pouvez
vous croire qu’au besoing, je seray toursjours prest pour vous secourir si loccasion sen offre.
Il vault beaucoup myseulx à ceulx de votredit gouvernement sesvertuer pour une bonne fois pour
ayder à estaindre le feu de la maison de leurs voisins que datendre quil soit dedans les
leurs. Je masseure qu’oultre l’affection que vous avez au service du roy, lamitié particullière
que m’avez toursjours portée fera que vous le leur remonstrerés et les contraindrés d’entendre à
ceste rayson. Je vous envoye la coppie de celles que sa majesté m’a escriptes par lesquelles
congnoistrez son intention. Au demeurant, je nay jamais ordonné au cappitaine La Tourette
ny à nul autre, de passer par votredit gouvernement et seroys bien marry de lavoyr faict
sans votre sceu, et quant il y auroit esté bien chastyé des faultes quil y peult avoyr
faictes, ce me seroit grand plaisir. Quant aux balles et pouldres de Montmeillan le sieur du
[155 v°] Villars, agent en Savoye, m’a escript que son altesse avoit desja prouveu de men faire
deslivrer à Bourg en Bresse et à Savonne. Par ainsi ne sera pas de besoing que vous preniez
la peyne en escripre d’avantaige audit gouverneur de Montmeillan. Et pour la fin de ma
lettre, je vous prieray encores une fois, monsieur de Gordes, que je recouvre lesdites deux
compagnyes et lesdits pyonniers, car il fault que je fasse estat d’avoir forces bastantes
pour assaillir les villes et combatre lennemy en campaigne quy est logé à deux lieues d’icy
et fainct de voulloir venyr au combat. Nous sommes toursjours devant ceste ville d’y
entrer tost ou tard avec laide de Dieu, auquel en cest endroict, après m’estre affectueusement
recommandé à votre bonne grace, je prieray vous donner,
monsieur de Gordes, en bonne santé, longue vie. Du Camp devant Sommyeres, XXVe febvrier
1573.
Votre plus affectionné, parfaict et asseuré ami
H de Montmorancy
Consulter le XML intégral
<div id="lettre" index="839" class="add" name="admin" date="2020-03-19T16:27:23.515+01:00"><desc><tome>XX</tome><folios><f>155</f></folios><expediteur>Montmorency-Damville, Henri de, gouverneur du Languedoc</expediteur><destinataire>M. de Gordes</destinataire><date type="reponse" cat="reelle"/><date type="expedition" cat="reelle">1573-02-25</date><date type="expedition" cat="affiche">1573-02-25</date><date type="reception" cat="reelle">1573-03-02</date><lieu type="expedition" gps="43° 47′ 07″ N ; 4° 05 ′27″ E">Sommières</lieu><lieu type="reception" gps="45° 19' 91'' N ; 5° 73' 62'' E">Grenoble</lieu><hyperlien/><bibliographie/><note/></desc><p id="1" n="1 " type="texte"> -
</p><p id="1" n="2 " type="titre">XX-155 Montmorency-Damville, Henri de, gouverneur du Languedoc, à M. de Gordes, Sommières, 25 février 1573.
</p><p id="1" n="3 " type="texte">Reçue à Grenoble, le 02 mars 1573.
</p><p id="1" n="4 " type="texte">Monsieur de Gordes, sur le poinct que je voullois vous escripre, jay receu la votre du XVIe du
</p><p id="1" n="5 " type="texte">present, avec la coppie de celle que le roy vous a escripte du IIIIe. Et ayant esté prevenu de ce
</p><p id="1" n="6 " type="texte">que jestois deliberé vous mander, je respondray au contenu des votres que linstance que jay
</p><p id="1" n="7 " type="texte">faicte à sa majesté a esté principallement pour ce qu’à lexemple de voz depputez de Daulphiné,
</p><p id="1" n="8 " type="texte">ceulx de Provence se seroient exemptez de deux compagnies des quatre que dès le commencement
</p><p id="1" n="9 " type="texte">le roy m’avoyt ordonné sur eulx ; et là-dessus, je nay peu moingtz que de representer à sa sa [sic] majesté
</p><p id="1" n="10 " type="texte">que de me rongner les ongles de quatre compagnyes se seroit aultant de desavancement
</p><p id="1" n="11 " type="texte">pour n’avoyr le moyen d’en entretenir si grand nombre comme elle me sont bien necessaires
</p><p id="1" n="12 " type="texte">aux despens de ce pais ; et voilla pourquoy sa majesté vous en a voullu escripre comme à
</p><p id="1" n="13 " type="texte">monsieur de Carcès. Suivant cela, je vous prieray preparer les autres deux compagnyes que vous
</p><p id="1" n="14 " type="texte">dictes avoir departies pour les menvoyer le plustost que vous pourrez et actendant leur
</p><p id="1" n="15 " type="texte">partement pourrez prouvoir d’en faire lever telles autres quelles vous seront necessaires
</p><p id="1" n="16 " type="texte">pour la seuretté du païs et en oultre pour toute resolution de ce que je desire mayder
</p><p id="1" n="17 " type="texte">des facultez de votre gouvernement. Je vous prie aussi de m’y faire accomoder de IIc[ent] pyonniers
</p><p id="1" n="18 " type="texte">et les menvoyer en lequipaige que vous scavez quil est requis en cela. Il me semble que
</p><p id="1" n="19 " type="texte">messieurs des estatz de votre gouvernement ne doibvent repugner, vous pouvant asseurer que
</p><p id="1" n="20 " type="texte">tout me sera bien necessaire, me retrouvant aujourdhuy toutes les forces des rebelles de
</p><p id="1" n="21 " type="texte">Guyenne sur les bras, au moyen de la rupture de larmée de monsieur ladmyral mon oncle
</p><p id="1" n="22 " type="texte">quy est allée à La Rochelle, ce seroit impossible que ce pauvre païs de Languedoc peult
</p><p id="1" n="23 " type="texte">supporter une si grande surcharge sans layde du roy ou des païs circonvoisins. Aussi pouvez
</p><p id="1" n="24 " type="texte">vous croire qu’au besoing, je seray toursjours prest pour vous secourir si loccasion sen offre.
</p><p id="1" n="25 " type="texte">Il vault beaucoup myseulx à ceulx de votredit gouvernement sesvertuer pour une bonne fois pour
</p><p id="1" n="26 " type="texte">ayder à estaindre le feu de la maison de leurs voisins que datendre quil soit dedans les
</p><p id="1" n="27 " type="texte">leurs. Je masseure qu’oultre l’affection que vous avez au service du roy, lamitié particullière
</p><p id="1" n="28 " type="texte">que m’avez toursjours portée fera que vous le leur remonstrerés et les contraindrés d’entendre à
</p><p id="1" n="29 " type="texte">ceste rayson. Je vous envoye la coppie de celles que sa majesté m’a escriptes par lesquelles
</p><p id="1" n="30 " type="texte">congnoistrez son intention. Au demeurant, je nay jamais ordonné au cappitaine La Tourette
</p><p id="1" n="31 " type="texte">ny à nul autre, de passer par votredit gouvernement et seroys bien marry de lavoyr faict
</p><p id="1" n="32 " type="texte">sans votre sceu, et quant il y auroit esté bien chastyé des faultes quil y peult avoyr
</p><p id="1" n="33 " type="texte">faictes, ce me seroit grand plaisir. Quant aux balles et pouldres de Montmeillan le sieur du
</p><p id="1" n="34 " type="texte">[155 v°] Villars, agent en Savoye, m’a escript que son altesse avoit desja prouveu de men faire
</p><p id="1" n="35 " type="texte">deslivrer à Bourg en Bresse et à Savonne. Par ainsi ne sera pas de besoing que vous preniez
</p><p id="1" n="36 " type="texte">la peyne en escripre d’avantaige audit gouverneur de Montmeillan. Et pour la fin de ma
</p><p id="1" n="37 " type="texte">lettre, je vous prieray encores une fois, monsieur de Gordes, que je recouvre lesdites deux
</p><p id="1" n="38 " type="texte">compagnyes et lesdits pyonniers, car il fault que je fasse estat d’avoir forces bastantes
</p><p id="1" n="39 " type="texte">pour assaillir les villes et combatre lennemy en campaigne quy est logé à deux lieues d’icy
</p><p id="1" n="40 " type="texte">et fainct de voulloir venyr au combat. Nous sommes toursjours devant ceste ville d’y
</p><p id="1" n="41 " type="texte">entrer tost ou tard avec laide de Dieu, auquel en cest endroict, après m’estre affectueusement
</p><p id="1" n="42 " type="texte">recommandé à votre bonne grace, je prieray vous donner,
</p><p id="1" n="43 " type="texte">monsieur de Gordes, en bonne santé, longue vie. Du Camp devant Sommyeres, XXVe febvrier
</p><p id="1" n="44 " type="texte">1573.
</p><p id="1" n="45 " type="texte">Votre plus affectionné, parfaict et asseuré ami
</p><p id="1" n="46 " type="texte">H de Montmorancy</p></div>
Fac-similé
2 vue(s) identifiée(s) dans le catalogue du corpus.
La visionneuse se charge à l’approche de cette section.
Lieux de la lettre
Repérage selon les coordonnées du corpus, sans géocodage externe. Fond géographique contemporain indicatif, Natural Earth.