Transcription
Edited text · original spelling and annotations retained
-
XX-28 Pape, Jacques, seigneur de Saint-Auban, à M. de Gordes, 10 janvier 1573, Saint-Auban. Reçue à Grenoble le 14 janvier 1573. Répondue
Monsieur, le commensement de ma lettre sera pour vous supplier
mexcuser si soudain après mon arrivée qui est puis deux jours en ça,
je ne me suits acquitté de mon debvoyr pour vous fère entendre
ma deliberation qui est de me retirer chez moy pour fère mes
affères et là, vivre et me conduire entierement soubz lobeissance du roy
et la votre, mayant sa majeste faict ce bien de mavoyr receu pour son
très humble et très obeissant subgect et serviteur comme il ne mest
jamais entré dans le cueur destre autre encore que ma bonne
volonté mayt cuydée estre très mal recogneue ayant passé les
dangers que jay passez, lesquelz ont estée en bien grand nombre et
aussi perilleux quil est possible de dire ; toutesfoys Dieu ma faict
la grace que jen suis sorti et mesmes par arrest de la court et à la
bonne grace du roy au service duquel je desire employer ma vie
et tout ce qui depend de moy et quant il vous plairra mhonorer
de tant que de me commander pour le service de sa majesté et
pour le votre particulier me trouverez aussi prest à vous rendre toute
obeissance et daussi bonne volonté que gentilhomme qui soit mandé de
votre part. Au demeurant monsieur, jay à vous dire comme le jour avant
mon despart le roy avoyt assuré à monsieur de Clermont une lettre
de faveur pour moy pour vous addresser, mais il ne se treuva
point de secretaire à propos pour recepvoyr le commandement et je
craignoys le soudain despart de ceulx avecques lesquelz je suis venu et
vous supplie de croyre quil ny a rien heu qui ayt esté cause que je naye
attendu ladite lettre que la crainte que javoys de perdre la commodité de men venir
avecque la compagnie qui mavoyt desjà attendu quelques jours et ce que jen ay faict
na esté pour temerité ne presumption ; nonobstant je ne suis point venu sans bon passeport
et sauvegarde de sa majeste vous suppliant de rechef, monsieur,
croyre que tout mon desir ne tend à autre fin que de vous rendre
tout obeissant service et me renger du tout en tout en voz commandemens
quand il vous plairra mhonorer de tant que de les me
faire entendre et soubz ce ferme propos pour ne scavoyr chose
qui merite le vous faire entendre fors la bonne santé
[28v°] en laquelle jay laissé monsieur d’Eveynes votre frère et monsieur
de Laval votre fils, feray fin à la presente après avoyr supplié
le Createur vous donner,
monsieur, en très parfaicte santé, très heureuse et longue vie,
avecques accomplissement de voz bons desirs. Ce Xme
de Janvier 1573, de Saint Auban, en la mayson de
votre très humble et plus obeyssant
serviteur à jamays
Saint Auban
View the complete XML
<div id="lettre" index="726" class="add" name="admin" date="2020-03-05T19:26:10.258+01:00"><desc><tome>XX</tome><folios><f>28</f><f> 29</f></folios><expediteur>Pape, Jacques, seigneur de Saint-Auban</expediteur><destinataire>M. de Gordes</destinataire><date type="reponse" cat="reelle"/><date type="expedition" cat="reelle">1573-01-10</date><date type="expedition" cat="affiche">1573-01-10</date><date type="reception" cat="reelle">1573-01-14</date><lieu type="expedition" gps="44° 49' 56'' N ; 5° 84' 70'' E">Saint-Auban</lieu><lieu type="reception" gps="45° 19' 91'' N ; 5° 73' 62'' E">Grenoble</lieu><hyperlien/><bibliographie/><note/></desc><p id="1" n="1 " type="texte"> -
</p><p id="1" n="2 " type="titre">XX-28 Pape, Jacques, seigneur de Saint-Auban, à M. de Gordes, 10 janvier 1573, Saint-Auban. Reçue à Grenoble le 14 janvier 1573. Répondue
</p><p id="1" n="3 " type="texte">Monsieur, le commensement de ma lettre sera pour vous supplier
</p><p id="1" n="4 " type="texte">mexcuser si soudain après mon arrivée qui est puis deux jours en ça,
</p><p id="1" n="5 " type="texte">je ne me suits acquitté de mon debvoyr pour vous fère entendre
</p><p id="1" n="6 " type="texte">ma deliberation qui est de me retirer chez moy pour fère mes
</p><p id="1" n="7 " type="texte">affères et là, vivre et me conduire entierement soubz lobeissance du roy
</p><p id="1" n="8 " type="texte">et la votre, mayant sa majeste faict ce bien de mavoyr receu pour son
</p><p id="1" n="9 " type="texte">très humble et très obeissant subgect et serviteur comme il ne mest
</p><p id="1" n="10 " type="texte">jamais entré dans le cueur destre autre encore que ma bonne
</p><p id="1" n="11 " type="texte">volonté mayt cuydée estre très mal recogneue ayant passé les
</p><p id="1" n="12 " type="texte">dangers que jay passez, lesquelz ont estée en bien grand nombre et
</p><p id="1" n="13 " type="texte">aussi perilleux quil est possible de dire ; toutesfoys Dieu ma faict
</p><p id="1" n="14 " type="texte">la grace que jen suis sorti et mesmes par arrest de la court et à la
</p><p id="1" n="15 " type="texte">bonne grace du roy au service duquel je desire employer ma vie
</p><p id="1" n="16 " type="texte">et tout ce qui depend de moy et quant il vous plairra mhonorer
</p><p id="1" n="17 " type="texte">de tant que de me commander pour le service de sa majesté et
</p><p id="1" n="18 " type="texte">pour le votre particulier me trouverez aussi prest à vous rendre toute
</p><p id="1" n="19 " type="texte">obeissance et daussi bonne volonté que gentilhomme qui soit mandé de
</p><p id="1" n="20 " type="texte">votre part. Au demeurant monsieur, jay à vous dire comme le jour avant
</p><p id="1" n="21 " type="texte">mon despart le roy avoyt assuré à monsieur de Clermont une lettre
</p><p id="1" n="22 " type="texte">de faveur pour moy pour vous addresser, mais il ne se treuva 
</p><p id="1" n="23 " type="texte">point de secretaire à propos pour recepvoyr le commandement et je
</p><p id="1" n="24 " type="texte">craignoys le soudain despart de ceulx avecques lesquelz je suis venu et
</p><p id="1" n="25 " type="texte">vous supplie de croyre quil ny a rien heu qui ayt esté cause que je naye
</p><p id="1" n="26 " type="texte">attendu ladite lettre que la crainte que javoys de perdre la commodité de men venir
</p><p id="1" n="27 " type="texte">avecque la compagnie qui mavoyt desjà attendu quelques jours et ce que jen ay faict
</p><p id="1" n="28 " type="texte">na esté pour temerité ne presumption ; nonobstant je ne suis point venu sans bon passeport
</p><p id="1" n="29 " type="texte">et sauvegarde de sa majeste vous suppliant de rechef, monsieur,
</p><p id="1" n="30 " type="texte">croyre que tout mon desir ne tend à autre fin que de vous rendre
</p><p id="1" n="31 " type="texte">tout obeissant service et me renger du tout en tout en voz commandemens
</p><p id="1" n="32 " type="texte">quand il vous plairra mhonorer de tant que de les me
</p><p id="1" n="33 " type="texte">faire entendre et soubz ce ferme propos pour ne scavoyr chose
</p><p id="1" n="34 " type="texte">qui merite le vous faire entendre fors la bonne santé
</p><p id="1" n="35 " type="texte">[28v°] en laquelle jay laissé monsieur d’Eveynes votre frère et monsieur 
</p><p id="1" n="36 " type="texte">de Laval votre fils, feray fin à la presente après avoyr supplié
</p><p id="1" n="37 " type="texte">le Createur vous donner,
</p><p id="1" n="38 " type="texte">monsieur, en très parfaicte santé, très heureuse et longue vie,
</p><p id="1" n="39 " type="texte">avecques accomplissement de voz bons desirs. Ce Xme
</p><p id="1" n="40 " type="texte">de Janvier 1573, de Saint Auban, en la mayson de
</p><p id="1" n="41 " type="texte">votre très humble et plus obeyssant
</p><p id="1" n="42 " type="texte">serviteur à jamays
</p><p id="1" n="43 " type="texte">Saint Auban
</p><p id="1" n="44 " type="texte"/></div>
Facsimile
4 image(s) identified in the corpus catalogue.
The viewer loads as you approach this section.
Original JPEG — view 1 · Original JPEG — view 2 · Original JPEG — view 3 · Original JPEG — view 4
Places in the letter
Locations from corpus coordinates, without external geocoding. Indicative modern geographical background, Natural Earth.