Transcription
Edited text · original spelling and annotations retained
-
XX-260 Birague, Charles de, lieutenant général du marquisat de Saluces, à M. de Gordes, Saluces, 08 mars 1573.
Reçue à Grenoble, le 12 mars 1573.
Monsieur, hier matin je receuz le pacquet que m’avez envoyé par la poste
et ce jourd’huy l’autre, que le cappitaine la Casette m’a mande par homme exprès.
Par iceulx j’ay veu l’advis que vous m’avez donné, qui est tout conforme à ung
que j’avois auparavant eu, de deux divers endroictz, bons et seurs, qui fut occasion
que je me transportay soubdain à Pinerol pour y donner l’ordre necessaire, comme j’ay
faict, combien que les soldatz pour n’avoir receu en toutte l’année passée et jusques icy
que six payes soient reduictz en telle extrème pauvreté qu’il n’y ait trop grande
asseurance de quelque inconvient, s’il n’y est bien tost pourveu. J’estois sur le
poinct de vous donner aussi advis qu’il y a quelque entreprise sur le château
d’Exilles, et y a de ceulx de Genève qui y tiennent main. Je le say de bon lieu et
seur, et que l’execution s’en doibt faire à ces Pasques si ce n’est plus tost.
Partant monsieur vous y ferez s’il vous plaist donner la provision que vous
semblera pour le mieulx, et que savez estre ncessaire pour l’importance et
consequance du lieu. J’en advise le cappitaine la Casette à ce qu’il se tienne
soigneusement sur ses gardes. Et si j’apprans quelque autre chose, je ne fauldray
de vous en advertir. Aussi, je vous prie de me voulloir faire le semblable et
me [barré : fère] participper des nouvelles que vous aurez, vous merciant ce pendent
bien affectueusement du susdits advis et me recomandant humblement à votre bonne
grace. Je prie Dieu qu’il vous doint,
monsieur, en santé, bonne, longue et contente vie. De Saluces, le
VIIIe jour de mars 1573.
[Je vous] prie monsieur de faire mettre, s’il vous plaist
le mien pacquet sur la poste et comander qu’il soit
envoié en toutte diligence.
Votre plus affectioné
à vous faire servi
Carolo Birago
View the complete XML
<div id="lettre" index="933" class="add" name="admin" date="2020-03-23T09:50:07.098+01:00"><desc><tome>XX</tome><folios><f>260</f></folios><expediteur>Birague, Charles de, lieutenant général du marquisat de Saluces</expediteur><destinataire>M. de Gordes</destinataire><date type="reponse" cat="reelle"/><date type="expedition" cat="reelle">1573-03-08</date><date type="expedition" cat="affiche">1573-03-08</date><date type="reception" cat="reelle">1573-03-12</date><lieu type="expedition" gps="44° 39' 00'' N ; 7° 29' 00'' E">Saluces</lieu><lieu type="reception" gps="45° 19' 91'' N ; 5° 73' 62'' E">Grenoble</lieu><hyperlien/><bibliographie/><note/></desc><p id="1" n="1 " type="texte"> -
</p><p id="1" n="2 " type="titre">XX-260 Birague, Charles de, lieutenant général du marquisat de Saluces, à M. de Gordes, Saluces, 08 mars 1573.
</p><p id="1" n="3 " type="texte">Reçue à Grenoble, le 12 mars 1573.
</p><p id="1" n="4 " type="texte">Monsieur, hier matin je receuz le pacquet que m’avez envoyé par la poste
</p><p id="1" n="5 " type="texte">et ce jourd’huy l’autre, que le cappitaine la Casette m’a mande par homme exprès.
</p><p id="1" n="6 " type="texte">Par iceulx j’ay veu l’advis que vous m’avez donné, qui est tout conforme à ung
</p><p id="1" n="7 " type="texte">que j’avois auparavant eu, de deux divers endroictz, bons et seurs, qui fut occasion
</p><p id="1" n="8 " type="texte">que je me transportay soubdain à Pinerol pour y donner l’ordre necessaire, comme j’ay
</p><p id="1" n="9 " type="texte">faict, combien que les soldatz pour n’avoir receu en toutte l’année passée et jusques icy
</p><p id="1" n="10 " type="texte">que six payes soient reduictz en telle extrème pauvreté qu’il n’y ait trop grande
</p><p id="1" n="11 " type="texte">asseurance de quelque inconvient, s’il n’y est bien tost pourveu. J’estois sur le
</p><p id="1" n="12 " type="texte">poinct de vous donner aussi advis qu’il y a quelque entreprise sur le château
</p><p id="1" n="13 " type="texte">d’Exilles, et y a de ceulx de Genève qui y tiennent main. Je le say de bon lieu et
</p><p id="1" n="14 " type="texte">seur, et que l’execution s’en doibt faire à ces Pasques si ce n’est plus tost.
</p><p id="1" n="15 " type="texte">Partant monsieur vous y ferez s’il vous plaist donner la provision que vous
</p><p id="1" n="16 " type="texte">semblera pour le mieulx, et que savez estre ncessaire pour l’importance et
</p><p id="1" n="17 " type="texte">consequance du lieu. J’en advise le cappitaine la Casette à ce qu’il se tienne
</p><p id="1" n="18 " type="texte">soigneusement sur ses gardes. Et si j’apprans quelque autre chose, je ne fauldray
</p><p id="1" n="19 " type="texte">de vous en advertir. Aussi, je vous prie de me voulloir faire le semblable et
</p><p id="1" n="20 " type="texte">me [barré : fère] participper des nouvelles que vous aurez, vous merciant ce pendent
</p><p id="1" n="21 " type="texte">bien affectueusement du susdits advis et me recomandant humblement à votre bonne
</p><p id="1" n="22 " type="texte">grace. Je prie Dieu qu’il vous doint,
</p><p id="1" n="23 " type="texte">monsieur, en santé, bonne, longue et contente vie. De Saluces, le
</p><p id="1" n="24 " type="texte">VIIIe jour de mars 1573.
</p><p id="1" n="25 " type="texte">[Je vous] prie monsieur de faire mettre, s’il vous plaist
</p><p id="1" n="26 " type="texte">le mien pacquet sur la poste et comander qu’il soit
</p><p id="1" n="27 " type="texte">envoié en toutte diligence.
</p><p id="1" n="28 " type="texte">Votre plus affectioné
</p><p id="1" n="29 " type="texte">à vous faire servi
</p><p id="1" n="30 " type="texte">Carolo Birago
</p><p id="1" n="31 " type="texte"/></div>
Facsimile
2 image(s) identified in the corpus catalogue.
The viewer loads as you approach this section.
Places in the letter
Locations from corpus coordinates, without external geocoding. Indicative modern geographical background, Natural Earth.